某個新相識既場合....
"你好呀, 我叫 GI Guy."
"你好, 我叫 Amy. 你做邊行架 ?"
"我做保險架, 你呢?"
"保險呀? 咁你口才咪好好, 同埋好辛苦囉, 成日要跑數...." Amy 帶有同情既眼光回答
相信以上既回應, 幾乎每個行家都遇過
首先啦~ 我都好明白, 普羅大眾對保險既認識, 都集中於人壽保險呀, 醫療保險呀呢d 切身d 既險種
加上之前幾套街知巷聞既戲集 (例如情x夜中環), 大家都以為做保險既, 就等於保險sales, 日日cold call 唔在講, 有時會失驚無神有個 n 世冇見既小學同學 / 幼稚園同學打黎搵你, 你都會諗, 佢係咪想sell我保險呀?
其實, 保險除左大家熟悉既人壽保險 (life insurance), 醫療保險 (medical insurance) 之外, 仲有一樣比較少人認識既一般保險 (general insurance)
而每間保險公司, 不論係做人壽, 醫療 或者一般保險, 都好似一隊波咁, 有前鋒 (sales), 中場 (management) 同後防 (back office). 所以, 你聽到人做保險, 唔代表佢一定係sales呀, 可能佢係負責會計既後勤同事都未定
咁一般保險, 有幾一般呀?
其實一般保險既一般在於, 佢保既野, 係好廣泛, 基本上, 我地每日既衣食住行, 都有機會係受緊保
每個打工仔, 都會受勞工保險保障
每部有車牌既車, 都受汽車第三者責任保障
每層做緊按揭既樓宇, 銀行會要求或者安排業主購買樓宇結構水火險
去旅行, 學o都o都姐話齋, 買番份旅遊保險啦
所以, 一般保險, 就係咁生活化
大陸將一般保險譯做 "財險", 字面上係比較容易了解, 但字義上, 又未能完滿咁解釋, 一般保險有幾一般, 因為除左實物既財產之外, 仲有無形既責任
但一般保險呢個字, 令人覺得呢行做d既好一般咁
好似你剛剛睇完套黑天鵝, 朋友問你套戲點呀, 你答 "一般啦"
唔知香港會唔會為 GI 搵番個好d既譯名呢?
沒有留言:
張貼留言